敵人兵臨城下,但我們還在爭論道德標準

「光時」突然毫無先兆宣報3日內會結業,並附上月報證明決定與營運無關。「光時」於年頭踢走舊有管理層後,其實大可以唔做,但新班底一直努力重建信任、發展業務,只係想令香港人有選擇,可以唔駛透過藍/紅企業買到生活百貨,不用被逼供養會殘害自己的維穩機器。

世道艱難,除了因為「光時」無奈結業而難過,對政權的無法無天感到憤慨,還有對同路人感到無所適從。現時部份人會一方面不斷將「無為」強行扭曲為努力、為打壓了港人的企業說項、或爭論既有道德標準離不離地;另一方面卻會對全方位受壓,連想要展開一般活動或業務都困難重重,不斷努力的人標準無限高、單單打打。

到底是世界太瘋狂令香港人迷失自我,不知不覺間俾小粉紅壓扁咗龍門?還是生於富裕的社會,有太多干擾令我們失去焦點?更令人擔憂的是,以上情況已經出現係唔少人身上,甚至連知名流亡抗爭者都無法倖免。唔信?可以去某”網絡調查重點”討論區、或者去早前團隊呼籲棄飲維他奶嘅IG post睇下留言,保證會嚇你一跳。

香港處境沒有最差只會更差,其實不妨向青出於藍的類近地區借鏡,學習經常被形容為”好勁”的緬甸人如何處世。黃色經濟圈也好、抗爭也好、判斷事物基準也好,一律認死理。凡是會壓逼自身生存空間的都視為打壓,要盡早扼殺;有助擴大生存空間就叫付出,要全力支持;其餘則無需考慮太多。

無獨有偶,這正是2019年支撐香港人多次創造奇蹟,改變世界潮流的思想;重拾初心或許會令世界變得簡單點,讓我們可以團結一致面對日後的挑戰,香港人共勉之。

P.S. 誠心推薦大家去睇 HKongs Mall FB & IG 寫給港人的公開信,及「光時」網站上嘅手足親筆信

Leave a Reply