您今日喊咗未?

康城影展播放反送中記錄片Revolution of Our Times 時代革命,事隔2年香港人突然係國際上爆出大事,實在令人又驚又喜。

從Trailer可以得知,片中訪問了各種身份的運動參與者,收錄了不少第一身片段,相信 #RevolutionOfOurTimes#時代革命 絕對係誠意之作,打從心底裏想入場支持;加上連張海報都咁靚,未推出已經想儲齊boxset海報紀念品返去收藏。

記憶中的街頭已經分不清時空,但一幕幕仍然歷歷在目;在翳焗的石屎森林內,物資憎多粥少,互相分享從不計較成本;人人大汗淋灕,互相扶持從不忌諱污糟;成千上萬港人素不相識,但俱為一體,全因大家只想推倒高牆,呼吸另一面的空氣。

原來人大咗真係會眼淺,睇條預告片都忍唔住一路搭車一路喊,唔開聲睇預告片淚線已經失控決堤,連自己都搞唔清楚原因;如果真係睇晒全套記錄片,恐怕累積了兩年的情緒會一下子崩潰。

有無人都係咁?

Leave a Reply